kenapa harus komunikasi 2 arah sama anak sendiri? yang punya opini silakan nulis dikomeng ye ganz & ganzwati. ini yang ane tulis adalah menurut opini ane pribadi.

perlakuan yang harusnye dilakukan sebagai orang tua kepada anak-anaknye sejak dini di Indonesia misih banyak nyang salah, menurut ane nih ganz yak.

ada beberapa anak-anak dimari tuh gedenye jadi begajulan kagak jelas karena salah pengasuhan sejak dini.

salah satu contoh nih ganz; komunikasi 2 arah. enih ane liat jarang bat orang tua di Indon nyang menerapkan kaya begini ke anak kandungnye. ane suka iri kadang liat turis barat ama anaknye bisa ngobrol kaya sahabat meskipun obrolannye lebih banyak tanya jawabnye.



tapi menurut psikolog Ratih Zulhaqqi, M.Psi. komunikasi 2 arah pada anak bisa memberikan banyak stimulasi ke anak. anak jadi banyak kegiatan dan mengurangi maen gadget atau kebanyakan nonton kartun.

kalo ane ye ganz lebih baik pan ngobrol sama orang tua ndiri yak, biar batinnye tetep menyatu sampe tuh anak gede. efek positifnye juga pan yak;anak merasa dihargai sama orang tua. kagak melulu nasehat terus. nasehat diselingin obrolan pan seru yak?



anak terkadang juga pengen didengerin ama ortunye sendiri. banyak anak yang kagak nyaman curhat ama ortu sendiri.
curhat kadang bisa menjadi 'triger' buat komunikasi 2 arah antara ortu sama anak.

dari pengalaman ane jadi anak (duh ileh pengalaman,bacot bat yak ane). anak tuh males curhat ama orang tua. biasanye ortu cuek, trus ortu sering motong pembicaraan pas kita lagi cerita (bukannye didengerin malah dipotong trus dinasehatin, gedek bat yak), curhat jujur malah diomelin bukannye disupport, lagi-lagi nih ganz gaya komunikasi yang kaku.



ortu kadang tuh tetep memposisikan diri sebagai orang dewasa saat dengerin curhat anaknye. gak mau belajar gimane sih caranye ngobrol sama balita atau anak-anak atau sama remaja saat mereka sedang berkeluh kesah. ortu akan beralasan: sibuk, kagak ada waktu, kagak sempet, dll. padahal pan itu penting bat, apalagi buat tumbuh kembang anaknye.



dampak negatif dari komunikasi 1 arah terhadap anak ngeri ganz. dari susah ngomong sampe jadi jungky. awalnye karena tuh anak ngerasa sendiri, kagak ada yg peduliin. sekali lagi disini enih pentingnye tatap muka sambil berkomunikasi 2 arah sama darah daging sendiri.



semoga banyak ortu jaman milenial enih yang udah merubah haluan untuk menerapkan komunikasi 2 arah. ane juga besok klo punya anak pengen mutus rante cara komunikasi 1 arah.

banyak yang bilang 'ah itu kan biasanye yg bisa begtu orang yang ekonominye berkecukupan; kaya kita gini yg berkekurangan dalam ekonomi mana bisa!?' siapa bilang kagak bisa; kagak ada hubungannye juga pan. sekarang tinggal mao ngelakuinnye apa kagak. kembali lagi ke kita masing yak.

ye udin ganz segitu dulu yak. ane mao nyuci dulu bentaran. ntar keburu bau dah cucian. jangan lupa bahagia ye.